Aféierung an d’Fotografie an den Dronefluch

Dëse Cours riicht sech un all déi Leit, déi mam Gedanke spillen sech een digitale Fotoapparat (DSLR oder DSLM) zouzeleeën a sech froe wat eigentlech d’Virdeeler dovunner z.B. par rapport zu enger Handyskamera sinn. Dëst kënnen och Leit sinn, déi schonn eng digital Kamera hunn, an déi dës net méi wëllen einfach just am Automatikmodus benotzen. Mir kucke wéi eng verschidde Kamerasystemer et ginn a fir wat oder wien se eventuell am Beschte gëeegent sinn. Da kucke mer wat et mam Beliichtungsdräieck (Korrelatioun tëscht Blend, ISO a Beliichtungszäit) op sech huet a wat fir verschidde Méiglechkeeten et ginn, d’Beliichtung soss nach manuell ze beaflossen (Luuchten oder Blëtz). Des Weidere gesi mer nach wat ee muss maachen, wëssen a kënnen, fir eng Kameradron (ënner 250 g) op eng legal Art a Weis, wéi a wou ze benotzen.
Déi Leit déi ee Fotoapparat hunn, kënnen dëse gäre mat an de Cours bréngen. Dëse Cours wäert aus Vereinfachungs- an Zäitgrënn och nëmmen op enger Sprooch
(Lëtzebuergesch) gehale ginn, d.h. dass d’Participanten der lëtzebuergescher Sprooch (gutt) musse mächteg sinn…!